№3 Қарауылкелді  орта  мектебінің тарихы

       Аудандағы іргелі білімнің қара шаңырағы -№3 Қарауылкелді орта мектебі 1949 жыл Шұбарқұдық №54 мектеп филиалы болып ашылды. Ал 1954 жылы ССРО жол қатынас Министрлігінің Орынбор теміржол оқу меемелері бөлім бастығының 30 тамыздағы №105 бұйрығына сәйкес  №148 бастауыш мектеп  болып дербес өз алдына бастауыш мектеп болып ашылды. Бастауыш мектеп меңгерушілігіне Икрамша Халитов болып тағайындалды.  Ал 1959 жыл №486 бастауыш мектеп  болып атауы өзгертілді.  1976 жылы Батыс Қазақстан теміржол басқармасының бұйрығымен  орталау мектеп болып қайта құрылды да,  1979 жылы №61 теміржол орталау мектеп болып аталды. Теміржол орталау мектебі болып аталғаннан Елемесов Құсайын директор болып тағайындалып  1984 жылға дейін басқарды.  1984 жылы басшылыққа  Досқуатов Межеш келді  және сол 1984 – 1985 жылдары  мектептің жаңа бөлігі салынды да сол 1985 жылы №3 Қарауылкелді орта мектебі атауы берілді. Досқуатов Межеш 1984-1987 жылдар аралығында  басқарды. 1987 жылдан  №3  Қарауылкелді  орта  мектебін Аманғосов Абат Қожайұлы 1992 жылға дейін басқарды. 1992 жылдан 2010 жылдар аралығында Адаев Шәріп мектепті басқарды. Адаев Шәріп басқарған жылдары білім беру үрдісін реформалаудың, мамандарды даярлаудың барлық денгейлері мен бағытын қамтуы инновациялық қызметі үлкен жетістікпен жұмыс жасады. Білім берудің барлық түрлерінің материалдық - техникалық және әдістемелік базасын ұлғайту шаралары іске асырылды.. 1999 жылы  мектеп ұстазы Л.Тынышбаева облыстық «Жыл мұғалімі» байқауында Гран- приге ие болып, Астана қаласындаы  республикалық турда Білім және ғылым министрі Қ.Көшербаевтың қолынан ҚР «Білім беру ісінің үздігі» төс белгісін алады. Мектеп 2007 жылы 1 мультимедиялық кабинетпен, 1 интерактивті тақталы информатика кабинетімен  жабдықталды. 2008 жылы Мұхамбетова Айзат мен Боранбаева Мерей «Алтын белгі» иегері атанды. 2009 жылы облыс әкімінің грантына 11 мұғалім Жұбанова Кенжегул, Мажикова Сатжан, Мажикова Гулжан, Доскулова Раушан, Аққожаева Самал, Тынышбаева Лиза, Құрмашева Айман, Бөлегенова Толғанай  ие болды. 2010 жылы педагогикалық жетістіктер конкурсында «Облыстың үздік жалпы білім беретін мектебі деп танылып облыс әкімінің грантын жеңіп алып 100000 теңге сыйақымен марапатталды.  мұғалім облыста «Үздік мұғалім»  атағын жеңіп алды. 2010ж. – 2013жылдар аралығында Жамаладинов Мұрат Шаңдыбайұлы мектепті басқарып сол жылдарда Ақтөбе облысы бойынша «Ауылдың гүлденуі-Қазақстанның гүлденуі» акциясы аясында мектеп үздік деп танылып автокөлік иемдленді. 2013 жылы Өтениязова Фариза, Қайып Ақбота, Жақсылықова Гүлжазира «Алтын белгі» иегері атанды. 13 Мұғалім  облыста   «Үздік мұғалім «Үздік класс жетекші атағын жеңіп алды.

2013ж. – 2015жылдар аралығында  Тажмағамбетов Бақтыгерей басқарды. 2014 жылы мектеп күрделі жөндеуден өтті.  Қатты отыннан газға айналды. 2015 жылдың 11 қыркүйегінен Таласпаева Гүлмира Сержанқызы басқаруда. 2016 жылы мектептің түлегі Тобыш Жансая мен Убайдулла Гаухар  «Алтын белгі» иегері атанса, Қалиева Ардақ «Үздік аттестат алды. 2016 жылы мектеп ұстазы Л.Тынышбаева Республикалық «Үздік педагог» байқауында жетістікке жетіп «Үздік педагог» атағын жеңіп алды және  2121000 грант иеленді.  БҒМ министрі Е.Сағадиевтің Сол жылы мектеп басшысының ұсынысымен , аудандық мәслихат шешімімен Л.Тынышбаева Байғанин ауданының «Жыл адамы»  атанды.2017 жылы мектеп оқушысы Тағаш Аягөз  республикалық «Тәуелсіз елдің ұланымын» байқауында бас жүлдені қанжығасына байласа, Шүкірбаев Айбар 2 жүлделі орынмен марапатталды.Жетекшісі Қалдығалиева Райла. 2018 жылы мектеп кітапханашысы Бермағанбетова Жәмиля  республикалық байқауда бақ сынап «Гран При» атағын жеңіп алды. Мектеп жанынан құрылған «Салтанат» би ұжымының мүшелері республикалық «Би аллеясы» байқауында бас жүлдені қанжығаларына байлады. Жетекшісі Өтеталиева Салтанат. 2018 жылы Метрше Шұғыла, Айсұлтанова Сая «Алтын белгі» иегері танды. Осы жылы облыстық пәндік олимпиадада Бекен Бексұлтан жүлделі 3-орынмен марапатталды. Облыстық ақындар айтысында  Бексұлтан Бірлік жүлделі 3-орын алды. Жетекшісі Таласпаева Гулмира. 2019 жылы аудандық олимпиада Теңелбай Динара жеңімпаз. Жетекшісі Жұбанова Кенжегүл. Биологиядан Айтқұлова Айханым. Жетекшісі Доскулова Раушан. Адандық, облыстық олимпиададан Математикадан Қайратқызы Лунара Жетекшісі Болеков Қанат. Білім инновация мектебіне Өтениязов Байбол оқуға түсіп білімін жалғастыруда. Ақбота интеллектуалдық ойынынан 15 оқушы  және Білген бәйге сайысынан Нұрдәулетқызы Әсемай республикалық сайыстан жүлдегер атанды.